أنا المتهمه وما بيدى حيله
باعيش السعاده وهم ف الاحلام
بريئه وايه تهمتى مظلومه
يعدى الليل مابعرف انام
وم الفرحه أنا محرومه
وحتى الحب باشوفه اوهام
العمر راح منى هدر
عايش الايام بعانى
والقلوب زى الحجر
والدنيا ليه ظلمانى
وكل شئ جوايا انكسر
ونسى الفرح عنوانى
وكل شئ نصيب وقدر
كل حاجه حاسسها ف خيالى
وهموم شيلها ع الكتاف
والجرح جوايا لايبالى
وعشت سنين عجاف
ادور ع الفرح ماجانى
ولا يوم قلبى عرف الخوف
اقول فى ايه بين الفرح وبينى
اقول يادنيا دا نصيب
ودموعى بلت منديلى
اصرخ واقول مكتوب
عايش دنيا مش دنيتى
وكمان مليش حبيب
يمسح ليه يوم دمعتى
بطلت ياناس احسبها
واصرخ واقول غلطتى
وادينى تايه فى دوربها
ولا حد حاسس بلوتى
دى دنيا ربك يعلمها
ماشى الطريق باحصرتى
الدنيا سايقه ظلمها
قادره ومحدش ادها
=============
محروم م الفرح
شعر الهام شحاتة سالم
من ديوان ((عاشقه ))
ليست هناك تعليقات:
إرسال تعليق
يمنع نشر أي تعليق مسيء للأديان السماوية, أو يدعو للتفرقة المذهبية والتطرف, كما يمنع نشر أي موضوع أو خبر متعلق بأنشطة إرهابية بكافة أنواعها أو الدعوة لمساندتها ودعمها,أو إساءة للشخصيات العامة
كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي الموقع .
بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
إدارة الموقع لا تتابع التعليقات المنشورة او تقوم بالرد عليها إلى نادراً.