لبست فستاني الحرير ..وما عاد يوسعني المكان
ضــوّ الشمـــس عم يرسم خيـــــــــالي .....سحر
وشـــــال العطر ...عم يغمـر كتــــــــافي ...غمر
مــرّ الهــــوا........وطيّـــر وراق الشجـــــــــــر
ع شعري هدّت ورقة عنب
بكّر عليها الهوا...بعدها غضة طرية
سمعتها عم تقللي...
زغيرة أنا ...متلك كمان
بكّيــــــر نترك ع الشجر......أعمارنا
بكّير يقطفنا الهوا...من حضن أشجارنا
لكن إنت كنت جايـــــــــــي على وســـع المدى
عيونك عم ترقص فرح..ومو شايفة غيري حدا
إيديك مفتوحة عم تقللي.........تعي
قلبـــي إلك.......وهبيني قلبـــك إلي
بحبــــك أنا....يا زهرة الفلّ النديّة
بحبك أنا....والعمر يرخصلك هديّة
وفجأة غبت............وما عدت شفتك بالطريق
لا عدت تحمللي ورد..ولا رجعت خيّ ولا صديق
وبقيت وحدي........أنا وورقة هالعنب
بكّر علينا الهوا..وما عاد ينفعنا العتب!
ليست هناك تعليقات:
إرسال تعليق
يمنع نشر أي تعليق مسيء للأديان السماوية, أو يدعو للتفرقة المذهبية والتطرف, كما يمنع نشر أي موضوع أو خبر متعلق بأنشطة إرهابية بكافة أنواعها أو الدعوة لمساندتها ودعمها,أو إساءة للشخصيات العامة
كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي الموقع .
بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
إدارة الموقع لا تتابع التعليقات المنشورة او تقوم بالرد عليها إلى نادراً.