أو طفل نام وأحضنو من ريحْتــك… ..نعسان
خايف أنا يا ميمتي… يقلّي وبعد حيران
ليش برعب صارت دني. لا حبّ لا إحسان
**
قلّو انتظر. ياميمتي.. بيّـــك بعد سهران
ع حدود حلمك. ماغفي. .. ولّا اشتكى تعبان
وارمي بصدري هالبكي والخوف والحرمان
وزقزق لنومك يرتكي… عا رمشك القلقان
**
يقلّي : أنا حلمي معي سافر بهالأحزان
لا ورد بيفتّح معو.. ولا زهّر البستان
صار الورد عالمدرسة يحمل معو العنوان
والموت دوم مرافقوا ..عايش معو و ولدان
**
كان الحلم عالجامعة صاحي بعد ..سهران
رايح على فحصو الصّبح ..بعد الدرس تعبان
حامل معو كتب وقلم.. شنتة من القصدان
وبغفلة لا قالو الغدر.. بسيارة البهتان
**
طار الحلم بعد التعب.. وتنتفت أبدان
راح انسرق حلم الوطن.. بحزام من خوّان
لكن بيبــــقى يابلد فيكي العزم صوّان
رح يطحن ال بدن يجوا. .. تا يخرّبوا الأوطان
**
هاي الجرم ..??!!!! إنّي حلمت بالورد.. بالريحان
وبحقْـــلة بْنَفسج إلي… تلملم صِبا. وخلّان
كبر الجرم ياميمتي… وطلع الحلم. مندان
جرمي أنا حلمت بوطن في بسمتك غفيان
**
ياميمتي.. كبر الجرم مابيكسر الاوطان
يلّي ربينا عالوفا فيها ..وع الإيمان
رح ازرع تراب البلد.. . بالورد والريحان
وأحلم على كل الصور.. شوفوا هني وعمران
*****
دعد حرفوش
ليست هناك تعليقات:
إرسال تعليق
يمنع نشر أي تعليق مسيء للأديان السماوية, أو يدعو للتفرقة المذهبية والتطرف, كما يمنع نشر أي موضوع أو خبر متعلق بأنشطة إرهابية بكافة أنواعها أو الدعوة لمساندتها ودعمها,أو إساءة للشخصيات العامة
كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي الموقع .
بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
إدارة الموقع لا تتابع التعليقات المنشورة او تقوم بالرد عليها إلى نادراً.