أصلك وفصلك ضايعٍ بين الأكوان
مابين جاكرتا وصنعاء وشايق
لا تحسبين الزيف سكرات دخان
يمر مثل الليل بين الخلايق
ولا تحسبين الكذب لو طال مابان
الكذب واضح والحقايق حقايق
حنا هل الطالات من عصر هامان
وحنا هل الجود بجميع الطرايق
نصّدق مع الوافين من غير حلفان
ونعمي عيون اللي به الغش ضايق
شعارنا في المجد سيفين وحصان
وكل القبايل تعترف بالحقايق
انا عشير اللي لها اسمٍ وعنوان
بنت الشيوخ متوهين العلايق
شيوخ حرب اللي لهم رمح وعنان
يوم العرب مابين نائم وفايق
قبيلةٍ وسط الجزيرة لها شان
ما عاقها دون المواجيب عايق
هذي أميرة حرف شعري والالحان
مهيب بنت ملفقين اللفايق
ياطيب من يدها ليا انساق فنجان
لاصار وقت الليل هادي ورايق
============
مطلق المرزوقي
ليست هناك تعليقات:
إرسال تعليق
يمنع نشر أي تعليق مسيء للأديان السماوية, أو يدعو للتفرقة المذهبية والتطرف, كما يمنع نشر أي موضوع أو خبر متعلق بأنشطة إرهابية بكافة أنواعها أو الدعوة لمساندتها ودعمها,أو إساءة للشخصيات العامة
كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي الموقع .
بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
إدارة الموقع لا تتابع التعليقات المنشورة او تقوم بالرد عليها إلى نادراً.