أطفى النور أولع شمعه
فيه ناس مش فهمه
فيه ناس مش سمعه
حوليها دوشه ونار ولعه
ملهمش بناس تانيه أى دعوه
الكل مغمى عنيه ومنفض
وغصب عنك وافق أوأرفض
أصل الأخ شكله براوى
وعامل دماغ وشكله غاوى
شرب بالشفاط من قله قناوى
ونزل فى الناس فشر وغناوى
عامل فيها أبن أصل
وهو وخدها بخلع الضرس
عاوز الكل يعظمله ويقول له ياباشا
وقاعد معواج وفى أيده الماشه
أبو نباشه
عاوز أرصه فى ودانه بكماشه
على شان يصحصح ويفوق من الحلم
ويسيبه من الدوار اللى عايش فيه
أصلك لاأبن بيه ولاأبن باشا ولامن الناس الهباشه
أنت أبن الناس القشاشه
اللى بيجدوا فى الوش ومحدش بيقولهم معلش
وعادى أى برنس ينزل فيهم هش
أصلهم على المجتمع عاله وحثاله
وملهمش حق بس أوعى تفتح بوء
أقفل وعايش فى أى بلاعه فى الضلمه لاتتظلم ويأكلوك للديابه
ياريت ياعم البرنس ماتتغرش لدنيا قلابه وبميت وش والمظاهر خداعه
ياما ناس فقرانه وغلبانه وعايشه فى راحة بال وسعاده
وياما ناس جيوبهاعمرانه وبطونها مليانه لكنها حزينه ومحتاره
بقلمي /محمودصلاح السيد
ليست هناك تعليقات:
إرسال تعليق
يمنع نشر أي تعليق مسيء للأديان السماوية, أو يدعو للتفرقة المذهبية والتطرف, كما يمنع نشر أي موضوع أو خبر متعلق بأنشطة إرهابية بكافة أنواعها أو الدعوة لمساندتها ودعمها,أو إساءة للشخصيات العامة
كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي الموقع .
بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
إدارة الموقع لا تتابع التعليقات المنشورة او تقوم بالرد عليها إلى نادراً.