او شطر كامل يوصفِك بين السطور
روح القصايد كُلها وعشق السنين
ما يكفكيش صور الجمال وسط السطور
يا احلى حور..مالكة كيانى ب ضيها
من حسنها من رقة فى توب العفاف
القلب طاف حاوالين مقامك وانجلىَ
حاليت ف محرابِك جميع الأسئلة
حتى اسألى وروحى لكل الأوليه
تلقي دموع عشقى بنداها ع الحيطان
تلقى روجى هايمة بتطوف المكان
روحى اسألى سطح الجيران
ناصية حارتنا والرصيف اللى اشتكى
حبك ماهوش حبة بُكى
وسهرة ف عيون القمر
حبك قدر
كان أحتلال بالمختصر
ما تفكريش أنى ل كيانِك هاختصر
ممكن اموت
ولا اشوفش قلبك ينكسر
قلبك حياة.. تريائهُ اوكسير الخلود
قلبك نجاة .. قلبك مداه فاق الحدود
قلبك ودود..بسمة شفايفك والخدود
سر الوجود... جُمار ف نخلة دُنيتى
يا لوعتى .ساعة ما بشتاق للورود
لازم اعود..وافرد ف بستانك غرام
حبك ماهوش هجر وملام
حَطت فراشات اللقى على زهرتك
شمت رحيق المسك بيندى الجسد
خافت عليكى م الحسد
فاردت سماها طيف ربيعِك الف لون
ريحان شقاوتك لسه طالل م العيون
رَشقت سهام العشق ف القلب الحنون
صابنى الجنون..من سحر مرسوم ع الجفون
وأنا ايه اكون..اوعى تسيبينى للضياع
لو تهت مرة ف سكتِك ما سواش بتاع
واربط دماغى ف لوعتك واشكى الصداع
ف لغيت ف حبك م القاموس كلمة وداع
لَميت حروفى كُلها وحلم السينين
لَميت حروف العاشقين
ووشمتها ع القلب رسمِك
شَمعت قلبى بدنيتِك والختم اسمك
ف ماتسأليش
أنتى اللى راسم سكتك فوق الجبين
ما تفكريش
حُبك ف ووجدانك اصيغهُ ف كلمتين
بقلمى/محمودهليل
ليست هناك تعليقات:
إرسال تعليق
يمنع نشر أي تعليق مسيء للأديان السماوية, أو يدعو للتفرقة المذهبية والتطرف, كما يمنع نشر أي موضوع أو خبر متعلق بأنشطة إرهابية بكافة أنواعها أو الدعوة لمساندتها ودعمها,أو إساءة للشخصيات العامة
كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي الموقع .
بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
إدارة الموقع لا تتابع التعليقات المنشورة او تقوم بالرد عليها إلى نادراً.