كتبت رحاب عوض :
لما بيسمع الأجنبي بفلان قادم من المشرق العربي ما بيتخيل إلا صورة البدوي الطيمس بالتخلف ، عباية وبريم وعقال وخيمة وما يتبع ذلك ، وبالوقت ذاتو نحنا عم نتخلى شوي شوي عن لغتنا الأم ببعض كلامنا منهمشها و منسعى ورا مفردات الشعوب اللي ما بتشيلنا من أرضنا ولا يمكن تنزل لمستوى تتداول مفرداتنا مناخدا قدوة ومنستبدل مفرداتنا بمفرداتها يعني منلبس توب غيرنا والحمد لله صرنا نقول : بون جور
، بون صوار ، أورفوار ،باي ، هاي ، ميرسي ، واو ... وشوي شوي منصير نتداول مفردات اليهودية العبرية : شلوم ، عيريف طوم ... من شووووو بتشتكي لغتنا ؟ والله مو لغتنا المعتلة وإنما عقولنا وأفكارنا بتشتكي من داء النقص وانعدام الثقة بالنفس وحب التقليد ، حتى العجايز عنا صاروا بيقولوا : باي باي .. البعض بيبرر لحالو بحجة إنو الألفاظ الأجنبية مختصرة وسريعة ليش شو ورااااااااكم عندكم هل الأشغال اللي مكسرا بعضا ، لأ وحتى الناس استكترت عا بعضا كلمة : الخير وصارت تقول : صباحوووو عفواً منكم مينو هادا اللي صباحو ؟ قال يعني الضمير محذوف مقدر عائد على الخير ، لييييييش لتحذفووه خلووووه بشو عايقكم بلكي بيشتغل العقل الباطن عاهالكلمة " الخير " و بتستجيب قدرة السماء . وطالما شاطرين وعم تقدرواالضمير مليح استخدموا هل الخبرة بالتقدير وقدروا عواقب هالظاهرة المؤسفة ، بعدين كلمة الخير ما رح تاخد من وقتكم الثمين أكتر من ثانية ولا رح تعرقل مشاريعكم الإنتاجية والتنموية و أكيد الله رح يعينكم عا لفظا .و بخصوص الاختصار يا ترى الامتداد الصوتي لحروف كلمة : سلام ، مرحباً ، أهلا ، هلا ... أطول من الامتداد الصوتي لحروف كلمة : بون جور ، بون صوار ؟ لأ ودخلت أفعال جديدة عالهجتنا المحكية . فسبكَ ، وتسَ .. والخير لقدام . طبعاً اكتساب اللغة الأجنبية خطوة رائعة وضرورية بس ما يكون وجودها بحياتنا اليومية بحيث تطمس لغتنا ولهجتنا . ليش ما نكون نحنا القافلة التي تسير وتسير بخطا واثقة نحو الأمام ... ؟ حيبة أعرف تبرير لها الظاهرة مدري صارت عنا قناعة راسخة إنولازم نبقى ذيول وغيرنا رؤوس تماشياً مع تاريخنا وماضينا وحاضرنا ...؟؟؟
لما بيسمع الأجنبي بفلان قادم من المشرق العربي ما بيتخيل إلا صورة البدوي الطيمس بالتخلف ، عباية وبريم وعقال وخيمة وما يتبع ذلك ، وبالوقت ذاتو نحنا عم نتخلى شوي شوي عن لغتنا الأم ببعض كلامنا منهمشها و منسعى ورا مفردات الشعوب اللي ما بتشيلنا من أرضنا ولا يمكن تنزل لمستوى تتداول مفرداتنا مناخدا قدوة ومنستبدل مفرداتنا بمفرداتها يعني منلبس توب غيرنا والحمد لله صرنا نقول : بون جور ، بون صوار ، أورفوار ،باي ، هاي ، ميرسي ، واو ... وشوي شوي منصير نتداول مفردات اليهودية العبرية : شلوم ، عيريف طوم ... من شووووو بتشتكي لغتنا ؟ والله مو لغتنا المعتلة وإنما عقولنا وأفكارنا بتشتكي من داء النقص وانعدام الثقة بالنفس وحب التقليد ، حتى العجايز عنا صاروا بيقولوا : باي باي .. البعض بيبرر لحالو بحجة إنو الألفاظ الأجنبية مختصرة وسريعة ليش شو ورااااااااكم عندكم هل الأشغال اللي مكسرا بعضا ، لأ وحتى الناس استكترت عا بعضا كلمة : الخير وصارت تقول : صباحوووو عفواً منكم مينو هادا اللي صباحو ؟ قال يعني الضمير محذوف مقدر عائد على الخير ، لييييييش لتحذفووه خلووووه بشو عايقكم بلكي بيشتغل العقل الباطن عاهالكلمة " الخير " و بتستجيب قدرة السماء . وطالما شاطرين وعم تقدرواالضمير مليح استخدموا هل الخبرة بالتقدير وقدروا عواقب هالظاهرة المؤسفة ، بعدين كلمة الخير ما رح تاخد من وقتكم الثمين أكتر من ثانية ولا رح تعرقل مشاريعكم الإنتاجية والتنموية و أكيد الله رح يعينكم عا لفظا .و بخصوص الاختصار يا ترى الامتداد الصوتي لحروف كلمة : سلام ، مرحباً ، أهلا ، هلا ... أطول من الامتداد الصوتي لحروف كلمة : بون جور ، بون صوار ؟ لأ ودخلت أفعال جديدة عالهجتنا المحكية . فسبكَ ، وتسَ .. والخير لقدام . طبعاً اكتساب اللغة الأجنبية خطوة رائعة وضرورية بس ما يكون وجودها بحياتنا اليومية بحيث تطمس لغتنا ولهجتنا . ليش ما نكون نحنا القافلة التي تسير وتسير بخطا واثقة نحو الأمام ... ؟ حيبة أعرف تبرير لها الظاهرة مدري صارت عنا قناعة راسخة إنولازم نبقى ذيول وغيرنا رؤوس تماشياً مع تاريخنا وماضينا وحاضرنا ...؟؟؟
ليست هناك تعليقات:
إرسال تعليق
يمنع نشر أي تعليق مسيء للأديان السماوية, أو يدعو للتفرقة المذهبية والتطرف, كما يمنع نشر أي موضوع أو خبر متعلق بأنشطة إرهابية بكافة أنواعها أو الدعوة لمساندتها ودعمها,أو إساءة للشخصيات العامة
كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي الموقع .
بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
إدارة الموقع لا تتابع التعليقات المنشورة او تقوم بالرد عليها إلى نادراً.