ارمي قلبي جوه حضنك واعشقك
القى بيكى وهم عمري وابعدك
ارمي السنين ويه الحنين واكرهك
فوق الرصيف البرد واجع دمعتي
لاء ابعدي ما انا قلبي لازم يبعدك
وسط الشوارع قلبي ودّع فرحتك
خنقانى ليه يا حبيبتي ليه بطرحتك
صعب الطريق امشيه وكمّل خطوتك
القلب شاب والفرح شاب
والدمع ساكن رحلتك
قلبي الحزين يصرخ بأه
والاه بتدوي ف ضحكتك
والفرح وهم ف دنيتك
ولا كنت ليكي ف يوم هكون
ولا يوم هترسم بسمتك غير الاهات
وشربت يامه اسوتك انا برفضك
برفض طريقك اللى بعني بالرخيص
ايوة لازم ارفضك
برفض اعيش انسان رخيص مالوش تمن
كم حلم عايش ع الامل واقول
هكون بيكي اللى قايد شمعتك
زارع ورود الكون تزيّن طلعتك
يحميكي لو يوم تصرخي يجري ويمسح دمعتك
اكون حبيب واعيش مهما هيطول الزمن
لكن لقيتك حلم فاضي وشعاع سراب
والحلم فيكي ما اكتمل
ايوة انا اعلنت فيكى ثورتى
قررت ابعد عن حياتك
وعن حياتى تبعدي
قررت اعيش باقي السنين بدون حبيبه
ولا ليكى تاني هعيش معاكى وابتدي
لاء ابعدي خلاص سبيني وابعدي ايوة ابعدي
ـــــــــــــــــــــــ
الشاعر المصري /احمد ابراهيم
ليست هناك تعليقات:
إرسال تعليق
يمنع نشر أي تعليق مسيء للأديان السماوية, أو يدعو للتفرقة المذهبية والتطرف, كما يمنع نشر أي موضوع أو خبر متعلق بأنشطة إرهابية بكافة أنواعها أو الدعوة لمساندتها ودعمها,أو إساءة للشخصيات العامة
كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي الموقع .
بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
إدارة الموقع لا تتابع التعليقات المنشورة او تقوم بالرد عليها إلى نادراً.