هتقولي ايه لما الوادع دق البيبان
وربيع مفارق
والورد ناشف ع العيدان
برد الشتا متقيدة رعشة حنين
وسط اللى باقى م المكان
هتقولى ايه والفرح باع والحزن خان
بسمة عيون مغرّقيين كل السنين
وعليكي هان قلبي البرئ
والجرح ناذف من زمان
متغربه فيكي الحدود وازاي اعود
انا واعشقك لما الخدود
باتت دموعها ف العيون
المجروحين فين الحنين
فين الامان حضنك وخان
وشارب منه ايام العذاب
هتقولي ايه
بعد السنين النعسانين بين الظلام
قلبك وخان رجع الزمان
ورجعتى ليا بدمعتين
اه يا كل عمري اللى ضاع
عدي الزمان غيّر ملامح عاشقين
طب كني فين
رجعالي بعد الحب ماشاب ع الشجر
رجعالي بعد الطير م غاب عني وهجّر
وازاي احس بقلب خان زي الحجر
ابعدي ده اللقي حبة سراب بعد الغياب
متكسرة فيها اللى كان
متفرقه كلمة غرام بين السطور
وازي اكون عاشق متيّم بالغرام
وانا ليكى ماعمري ف يوم
كنت بخون ولا قلبي ليكي مرة خان
هتقولي ايه كلمة حبيبي متعبة
وتقيله فيكى بين شفيفك و ع اللسان
كلمة حبيبي احساسها مات
هتقولي ايه
خليكى صبرة ع السكوت
خليكى وقفه مطرحك خليكي صمته وف سكات
هتقولي ايه هتقولي ايه هتقولي ايه
**
الشاعر المصري /احمد ابراهيم
ليست هناك تعليقات:
إرسال تعليق
يمنع نشر أي تعليق مسيء للأديان السماوية, أو يدعو للتفرقة المذهبية والتطرف, كما يمنع نشر أي موضوع أو خبر متعلق بأنشطة إرهابية بكافة أنواعها أو الدعوة لمساندتها ودعمها,أو إساءة للشخصيات العامة
كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي الموقع .
بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
إدارة الموقع لا تتابع التعليقات المنشورة او تقوم بالرد عليها إلى نادراً.