او ليه وفين
وكأنى مش جوه الفؤاد
قررت تنسى الحب
وتبيع الوداد
أنا بعت لك
حب وحنان
وشاريك بتعويزه امان
عيشتنى فى الوهم ليه
والحلم كان حبه دخان
ياه على المرار
من نار حريقك
والهوى
أنا دبت فيك
والقلب بالهجر انكوى
أنا كنت بحلم
لسه بيك
مستنى اشوف
نظره عنيك
وهبت حبى كله ليك
طب ليه بقى
بتبعد بعيد
ونسيتى ليه
كل الوعود
الحلم راح
والحب راح
مافضلش منه
غير جراح
والقلب من كتر الجفا
مابقاش بينبض
بالسماح
قلبى اللى حبك
يوم اكيد
محتار ومش
عايش سعيد
أنا اشتريتك
بالعهد
والوعد
الجميل
وانت اللى
بتبيع سلسبيل
========
من غيركلام
شعر
الهام شحاتة سالم
من ديوان
(( عاشقه ))
ليست هناك تعليقات:
إرسال تعليق
يمنع نشر أي تعليق مسيء للأديان السماوية, أو يدعو للتفرقة المذهبية والتطرف, كما يمنع نشر أي موضوع أو خبر متعلق بأنشطة إرهابية بكافة أنواعها أو الدعوة لمساندتها ودعمها,أو إساءة للشخصيات العامة
كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي الموقع .
بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
إدارة الموقع لا تتابع التعليقات المنشورة او تقوم بالرد عليها إلى نادراً.