ومات الضؤ
خلاص الحرف فى وجودك
غريب الشوق
خلاص الحبر مش حبري
ولا انتى فى يوم عشقه
ولا ليكى هكون معشوق
ده انا ف قربك
وف حضنك انا اللى كنت فى وجود
غلبني الموت
تعدي اللحظه والتانيه
تعدي الثانيه والتانية
فى ليل الحزن تعبني سكوت
ومسجونه الحروف سابت
ظلام ليلك عشان الحرف كان بيموت
قصيدة عشق مكتوبة
سطور باكية فى لحظة خوف
ومش عايز عنيكي تشوف
دموع عيني واحساسى
فى لحظة ضيق وانا مخنوق
مع انى بحبك موت
لكن ههجر ليالي سكوت
مرار صبار طريق مهجور
ركام بركان من الماضي
هشق طريقي ايامي
عشان ارجع واعيش ف النور
وهرمي كل احلامي
معاكي اهات فرح محروق
تخاف البسمة تتكلم وبتألم
وحرف الوعد فيه
مشنوق شهيد الكلمة
يا غنوة صراخ مكبوت
حلفت لفوت اعيش تانى مع غيرك
وأرميكى من المكتوب
عشان الفجر بيرّوح ومات الضؤ
خلاص الحبر مش حبري
ولا انتى فى يوم عشقه
ولا ليكى هكون معشوق
ولا ليكى هكون معشوق
ولا ليكى هكون معشوق
الشاعر المصري / احمد ابراهيم
ليست هناك تعليقات:
إرسال تعليق
يمنع نشر أي تعليق مسيء للأديان السماوية, أو يدعو للتفرقة المذهبية والتطرف, كما يمنع نشر أي موضوع أو خبر متعلق بأنشطة إرهابية بكافة أنواعها أو الدعوة لمساندتها ودعمها,أو إساءة للشخصيات العامة
كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي الموقع .
بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
إدارة الموقع لا تتابع التعليقات المنشورة او تقوم بالرد عليها إلى نادراً.