كل كلمه قُلتهالى بفتكرها
القى نفسى فى الحقيقه
بعيش فى غيرها
واشكى م المكتوب عليّه
والدموع تملا عينيّه
واسأل الناس الحبايب
القلوب دى فين ضميرها
خدت روحى من حياتى
غصب عنّى
من جروحى الدموع
تشكى التجنّى
كنت عيشا
ارسم الافراح واغنّى
بعد حُبك
اتقتل فيّا التمنّى
واشتهيت الحُب
فى قلوب الحبايب
وانت جنبى
صح جنبى بس غايب
فين كلامك
بسمتك شوقك لحُبى
يا دمع قُولى
بتشتكيه او تشكى قلبى
قلبى شايل الهموم
شايف مصيرها
والغيوم فى كل يوم
واخداه اسيرها
وكل كلمه قلتهالى بفتكرها
والقى نفسى فى الحقيقه
بعيش فى غيرها
=========
نغـم عبـد الرحمن
ليست هناك تعليقات:
إرسال تعليق
يمنع نشر أي تعليق مسيء للأديان السماوية, أو يدعو للتفرقة المذهبية والتطرف, كما يمنع نشر أي موضوع أو خبر متعلق بأنشطة إرهابية بكافة أنواعها أو الدعوة لمساندتها ودعمها,أو إساءة للشخصيات العامة
كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي الموقع .
بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
إدارة الموقع لا تتابع التعليقات المنشورة او تقوم بالرد عليها إلى نادراً.