بالحُبّ كْتَبتْ سَطرينْ
بالقَلْب في جَمْرينْ
أسأَلْ حالي لَوينْ
مع حُبَّكْ سافِرْ لَوينْ
ترد دموع العينْ
ويجاوبني الحَنينْ
إنتَ يا نور العينْ
رايحْ قللي لَوينْ
تعبِتْ روحي من الأَنينْ
و من آلام السِنينْ
رَدّ علييِّ الحَنِين
ما عِرِفْ دَرْبَكْ وين
..............
سأَلْتْ عَنَّكْ الرياحين
ودوَّرْتْ مروجْ البساتين
ما لقيتَكْ يا حُبِّي الضَّايع
...............
سأَلتْ نَسْمَاتْ الصِبا
و رسَمتْ وَجْهَك عَ الرُّبا
دقَّيت باب السَما
بَلكي بيردّ الجَوَابْ
رَدّ الصَوتْ الصَدى
و قَللي فَتِّشي عن الأَحْبابْ
.................
دَوَّرتْ عَلَيْك يا حُبِّي
ولقيتَكْ ساكِنْ بقَلبي
قاعِدْ بِ بوبّو عيوني
حابِسْ دَمعاتي المَجْنوني
كل ما غَمِّضْ جفوني
بيطلَعْ طَيْفَكْ يصَحِّيني
و يسرقْ النَومْ من عيوني
..................
سَكَّنْتَكْ بِ ريفْ جفوني
و برموشي دارَيتْ عَلَيْك
بَلكي بشوفَكْ قبالي
بتنَوِّرْ حُلكْ اللَّيالي
والله اشتَقتللك يا غالي
أنتَ الساكِنْ بعروقي
و حابِسْ دَمْعَاتي المَجْنوني
ليست هناك تعليقات:
إرسال تعليق
يمنع نشر أي تعليق مسيء للأديان السماوية, أو يدعو للتفرقة المذهبية والتطرف, كما يمنع نشر أي موضوع أو خبر متعلق بأنشطة إرهابية بكافة أنواعها أو الدعوة لمساندتها ودعمها,أو إساءة للشخصيات العامة
كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي الموقع .
بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
إدارة الموقع لا تتابع التعليقات المنشورة او تقوم بالرد عليها إلى نادراً.