شعشع قمر آذار بليلتو سهران
وغازل قمر نيسان ببلاد مهيوبي ...
شاهد ع ليل الشام بسنين محسوبه
وعا عمر هربان من نار مشبوبه ...
وبعدو القلب دايب بالوطن هيمان
يبعت الدقات بدموع مسكوبه ...
عند ماشاف القمر ع نجمتو بكيان
بدمعو وطن عم ينزف ندوبه .....
........
اختلقوا عصابة شر سموها (قذر)
ونصبوا حكام ..أذناب لكلوبه ....
وفبركوا إعلام بالحقد استعر
وأحرقوا بلدان وشعوب مغلوبه ...
ومعلول آل تعوس ..بوجهو اختصر
صورة الشيطان ووجوه معطوبه ..
لك ياريحة البترول وديلن خبر
إنو بأرض الشام بتطيب طيوبه ......
.......
سورية عين الرب ومزحومة صور
بحر وجبل ....وسهول وعشوبه ...
وشباك عشق ملحوق بحجر
ولسان حق ملحوق بعتوبه ...
ولوما سورية...بالدني مافي دني
ولوما شعبها ماكانت شعوبه ....
....نحنا الخلقنا للمجد الله
وخلا بدمشق القلب وحج العروبه
وإنتو.. من عمركن محمل خيانة
ودابة من بني صهيون ..مركوبه ...
............
شاعر الزيزفون
جمال القجة
ليست هناك تعليقات:
إرسال تعليق
يمنع نشر أي تعليق مسيء للأديان السماوية, أو يدعو للتفرقة المذهبية والتطرف, كما يمنع نشر أي موضوع أو خبر متعلق بأنشطة إرهابية بكافة أنواعها أو الدعوة لمساندتها ودعمها,أو إساءة للشخصيات العامة
كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي الموقع .
بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
إدارة الموقع لا تتابع التعليقات المنشورة او تقوم بالرد عليها إلى نادراً.