احنا روح واحدة وعمرنا ما كنا اتنين
انا كلام الغرام وصوتك دا التلحين
انا النظر وانت ليا نن العين
انت الدم اللي ف عروقي وف الشرايين
انت أحلامي وأيامي وأحلى سنين
اتجهاتي شرق وغرب شمال ويمين
لو انت البعد انا صوته بكا وانين
وخصامنا دا المر المدوب لينا في كاسين
ولو انت القرب انا فرحته اللي ع الجنبين
و اللقا بينا مش عمر واحد دا اكيد عمرين
لو انت الحزن أنا دمعته اللي عل الخدين
لو انت العشق انا احساسه وشوق وحنين
انا روضه و انت ورودها وزهورها والرياحين
انت كيوبيد وانا سهمه اللي عدا على القلبين
انت أجمل فرحة وخدانا ما نعرف فين
ولو تبعد اجيب الصبر على بعادك قولي منين
دا انا وانت أحلى حكايه بيحكوها عن العاشقين
شيماء يوسف
ليست هناك تعليقات:
إرسال تعليق
يمنع نشر أي تعليق مسيء للأديان السماوية, أو يدعو للتفرقة المذهبية والتطرف, كما يمنع نشر أي موضوع أو خبر متعلق بأنشطة إرهابية بكافة أنواعها أو الدعوة لمساندتها ودعمها,أو إساءة للشخصيات العامة
كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي الموقع .
بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
إدارة الموقع لا تتابع التعليقات المنشورة او تقوم بالرد عليها إلى نادراً.