تذكرتَكْ | الشاعرة نهلة عنان بدور

تذَكَّرتَكْ على وجه المطر
والقلب على فراقَكْ انفَطَرْ
والعين تعْبِتْ من كتر النَظَرْ
ع مفارِقْ الطرقاتْ تمعِنْ النَّظَر
تنطُرْ رجوعَكْ من دروب السَفَرْ
ناطرة ب ربوعَكْ لأسمَعْ عَنَّكْ خَبَرْ
ع فراقَكْ دمع العين سال وانتَثَرْ

ع غيابَكْ القلب اتكَسَّرْ و انشَطَرْ
تعبِتْ مِنِّي الروح و ركضِتْ بالمطرْ
تنادي عليك ارجَعْ ضاعْ مِنِّي العُمُرْ
حُبَّكْ سَكَنْ بالحَشا و الضَنى آذاهْ
و القلب تعبان من كتر. الضَّجَرْ
رْسَمْتْ حُبَّكْ على أغصان الشَجَرْ
وخبَّيَتْ وجهَكْ الحلو بقلب الصُّوَرْ
حتَّى أسمَعْ عَنَّكْ يا حُبِّي شي خَبَرْ
بلكي بتحيا الروح بطيف وَجْهَك يا قَمَرْ
بلكي بيسعَدْ القلب وبيحلا بقُرْبَكْ السَهَرْ
بلكي السَّمَا بتسمَعْ وبتمحي ليالي القَهَرْ